Mańǵystaý polıtsııasynda 50-den astam ult ókili qyzmet etedi
ASTANA.KAZINFORM - Mańǵystaý polıtsııasynyń qatarynda 50-den astam ult pen ulys ókilderi abyroıly qyzmet etip keledi, – dep habarlaıdy Polisia.kz.
Olar kúndelikti mindetterin joǵary jaýapkershilikpen atqaryp, Qazaqstan Respýblıkasyna adal qyzmet etýdiń úlgisin kórsetip keledi. Túrli etnos ókilderin biriktiretin basty qundylyq – ortaq Otanǵa degen súıispenshilik pen antqa adaldyq.
Qandaı ulttan shyqqanyna qaramastan, barlyǵynyń maqsaty bir – elge qyzmet etý, qoǵamdyq qaýipsizdik pen quqyqtyq tártipti qamtamasyz etý. Bul – birlik pen tatýlyqtyń, ózara qurmet pen senimniń aıqyn kórinisi.
Aqtaý qalasy PB patrýldik polıtsııa batalonynyń qyzmet ınspektory Vladımır Kachanenko da bul merekeniń mańyzyn erekshe atap ótti.
– Meniń ultym – tatar, týǵan jerim – Almaty qalasy. Qazaqstan Respýblıkasynyń azamaty bolǵanymdy maqtan tutamyn. Qazaq qyzyna úılenip, otaý qurdym, – dedi ol.
Al Mańǵystaý oblysy PD shtab basqarmasynyń bastyǵy Natalıa Vladımırovna óz sózinde memlekettik tilge degen qurmetin jetkizdi.
– Meniń ultym – orys. Іshki ister organdarynda 25 jyldan beri qyzmet atqaryp kele jatyrmyn. Aqtaý qalasynda týdym. Qazaq tiline degen mahabbatym sheksiz jáne ony jetik meńgergenmin, – dedi ol.
Qazaqstan halqynyń birligi kúni – beıbitshilik pen kelisimniń merekesi. Osy oraıda Mańǵystaý polıtsııasynyń qyzmetkerleri qoǵamdaǵy turaqtylyqty saqtaý jolynda aıanbaı eńbek etip, el birligin nyǵaıtýǵa óz úlesin qosyp keledi.
Aıta keteıik, Dımash jankúıerleri Qazaqstan halqyn Birlik kúnimen quttyqtady.
