Mańǵystaý polıtsııasyn tekserýge arnaıy komıssııa keldi

AQTAÝ. KAZINFORM — Aqtaýda polıtsııa departamentiniń basshylaryna qatysty anonımdi ujymdyq hat taralǵannan keıin, QR Іshki ister mınıstrliginiń komıssııasy kelip, tekserý júrgizip jatyr. Bul týraly oblystyq polıtsııa departamentiniń baspasóz qyzmeti habarlady. 

— Mańǵystaý oblystyq polıtsııa departamentiniń bastyǵy Saǵyndyq Aıaǵanov óziniń bastamasymen Іshki ister mınıstrligine jáne tıisti organdarǵa ınternette taraǵan anonımdi hattaǵy málimetterdi tekserýdi surap hat joldaǵan. Vedomstvo basshysy tekserý jumystaryna máslıhat pen qoǵam ókilderin de qosý arqyly protsestiń ashyqtyǵy men obektıvtiligin qamtamasyz etýdi usyndy, — delingen habarlamada.

Eske salaıyq, 19 qarashada áleýmettik jelilerde óńirdiń bas polıtseıi men onyń orynbasarlaryn uıymdasqan qylmystyq top qurdy dep aıyptaǵan ujymdyq aryz taraǵan bolatyn. Sol kezde polıtsııa departamenti aıyptaýlardy joqqa shyǵaryp, bárin feık dep atady.

Buǵan deıin, Mańǵystaý polıtsııasynyń bastyǵy týraly feık aqparat tarady.