Mańǵystaý óńiri álemdegi eń erekshe shól baǵyttarynyń qataryna endi

ASTANA. KAZINFORM – Tanymal brıtandyq The Telegraph basylymy jarııalaǵan «Ómirińizde mindetti túrde barý kerek 10 shól» atty materıalda Qazaqstannyń Mańǵystaý óńiri álemdegi eń erekshe tabıǵı baǵyttardyń biri retinde ataldy.

Basylym Mańǵystaýdyń aıryqsha landshaftaryn, únsizdik pen sheksiz keńistikti, sondaı-aq mınımalıstik tabıǵı sulýlyǵyn erekshe atap ótken.

Álemniń ár túkpirindegi áıgili shóldermen qatar atalý Qazaqstannyń tabıǵı áleýeti halyqaralyq deńgeıde joǵary baǵalanatynyn kórsetedi.

- Mańǵystaý tek shól aımaǵy ǵana emes. Bul – ejelgi órkenıetter izi saqtalǵan ólke, ǵajaıyp shatqaldar men aqtasty taýlar mekeni, rýhanı jáne ekspedıtsııalyq týrızm úshin biregeı keńistik.

Mundaı halyqaralyq jarııalanymdar Qazaqstandy jańa týrıstik baǵyt retinde jahandyq aýdıtorııaǵa tanytýǵa jáne elge keletin saıahatshylar sanyn arttyrýǵa yqpal etedi, - dep jazdy Kazakh Tourism-nen.

Aıta keteıik, Mańǵystaýdaǵy Bozjyra shatqalyna qatynaý jeńildeıdi.