Mańǵystaý oblysynyń talantty jastaryna jol júrý granttary beriledi

Mańǵystaý oblysynyń jastar saıasaty máseleleri jónindegi basqarmasynyń qoldaýymen «Azamattyq bastamalardy qoldaý ortalyǵymen» birlese «Jeti jurt» qoǵamdyq birlestigi «Jas Star» jol júrý granty» jobasyn iske asyrýda, dep habarlaıdy Kazinform.

Jobanyń negizgi maqsaty – Qazaqstanda ótetin shyǵarmashylyq, zııatkerlik, sporttyq jáne mádenı-qoǵamdyq baıqaýlarǵa qatysýǵa qarjylyq múmkindigi jetpeıtin daryndy jastarǵa qarjylyq qoldaý kórsetý.

Joba aıasynda 25 jastyń shyǵarmashylyq konkýrsqa, 25 jastyń zııatkerlik konkýrsqa jáne taǵy 25 jastyń mádenı-qoǵamdyq is-sharaǵa, 25 jastyń sporttyq is-sharaǵa qatysýy boıynsha jol shyǵyndary óteledi dep josparlanǵan.

Respýblıkalyq zııatkerlik, shyǵarmashylyq jəne sporttyq is sharalar men baıqaýlarǵa qatysýshy 14-35 jas aralyǵyndaǵy daryndy jastar grant ıegeri atana alady.

Jol júrý granty aıasynda qatysýshynyń temirjol bıletteri (barý jəne kelý) brondalyp, satyp alý qyzmetteri júrgiziledi.

Baıqaý jeńimpazdary arnaıy qurylǵan komıssııa sheshimi negizinde anyqtalady.

Erejege səıkes, jeke tulǵadan bólek 1 toptyq komanda nemese 1 uıym bolǵan jaǵdaıda, sol uıymnan nemese komandadan 5-ten kem emes adam ǵana ótinim bere alady.

Bir adam nemese bir uıym eki ret ótinim bere almaıdy.

Ótinim qabyldaý 20 qarashaǵa deıin jalǵasady.

Tolyq aqparat myna siltemede.