Mańǵystaý oblysynyń tabıǵı resýrstar basqarmasyna jańa basshy keldi

ASTANA. KAZINFORM — Mańǵystaý oblysynyń ákimi Nurdáýlet Qılybaıdyń ókimimen oblystyq tabıǵı resýrstar jáne tabıǵat paıdalanýdy retteý basqarmasynyń basshysy bolyp Ásel Balmanova taǵaıyndaldy, dep habarlaıdy oblys ákiminiń baspasóz qyzmeti.

Ásel Balmanova 2009 jyly M.Ótemisov atyndaǵy Batys Qazaqstan memlekettik ýnıversıtetiniń ekologııa mamandyǵy, 2012 jyly Eýrazııa akademııasynyń quqyqtaný mamandyǵy, 2016 jyly M. Ótemisov atyndaǵy Batys Qazaqstan memlekettik ýnıversıtetiniń ekologııa-magıstri mamandyǵy boıynsha, 2025 jyly QR Prezıdenti janyndaǵy Memlekettik basqarý akademııasynyń «Memlekettik basqarý» doktorantýrasyn bitirgen. Ekologııa magıstri, «Memlekettik basqarý» bilim berý baǵdarlamasy boıynsha ekonomıka doktory ǵylymı dárejesine ıe.

Eńbek jolyn 2006-2009 jyldar aralyǵynda № 42 «Aqnıet» gımnazııasynyń hatshysy, laboranty qyzmetterinen bastaǵan.

2009 jyly Batys Qazaqstan oblysy tabıǵı resýrstar jáne tabıǵat paıdalanýdy retteý basqarmasynyń tabıǵatty qorǵaý jáne monıtorıng bóliminde jastar praktıkasynan ótken.

2010-2012 jyldar aralyǵynda Batys Qazaqstan oblysy tabıǵı resýrstar jáne tabıǵat paıdalanýdy retteý basqarmasynyń bas mamany qyzmetin atqardy.

2012-2016 jyldar aralyǵynda Batys Qazaqstan oblysy ákimi apparaty qujattamalyq qamtamasyz etý jáne aqparattyq tehnologııalar bóliminiń bas mamany jáne osy bólimniń basshysy qyzmetterin atqardy.

2017 jyly Batys Qazaqstan oblysynyń aýyl sharýashylyǵy basqarmasynyń quqyqtyq jáne aqparattyq qamtamasyz etý bóliminiń basshysy qyzmetin atqarǵan.

2018 jyldyń mamyr aıynan bastap osy ýaqytqa deıin Mańǵystaý oblysy ákimi apparaty basshysynyń orynbasary qyzmetin atqardy.

2020j -2023 j aralaǵynda Qazaqstan Respýblıkasy Prezıdentiniń janyndaǵy Memlekettik basqarý akademııasynda bilimin shyńdady.

Osy ýaqytqa deıin Mańǵystaý oblysy ákimi apparaty basshysynyń orynbasary qyzmetin atqardy.

Buǵan deıin Málik Ábdiqadyrov Mańǵystaý oblysy ákiminiń orynbasary bolyp taǵaıyndalǵanyn jazǵan edik.