Mańǵystaý oblysynyń shekarasy ózgeredi

Úkimettiń 2024 jylǵy 28 jeltoqsandaǵy «Mańǵystaý oblysynyń shekarasyn ózgertý týraly» qaýlysy jarııalandy, dep habarlaıdy Kazinform.

«Mańǵystaý oblysynyń shekarasy men Kaspıı teńizi akvatorııasynyń bastapqy syzyǵy arasyndaǵy jalpy alańy 721 940,2365 gektar jerdi oblys aýmaǵyna qosý arqyly Mańǵystaý oblysynyń shekarasy ózgertilsin», - delingen qaýlyda.

Mańǵystaý oblysynyń ákimdigine tıisti sharalar qabyldaý tapsyrylǵan.

Mańǵystaý oblysyndaǵy aýmaqtyq sýlar (teńiz) eni boıynsha oblys shekarasynan bastap bastapqy syzyqqa deıingi aýmaq, onyń ishinde:

• oblys shekarasynan bastap Aqtaý qalasyndaǵy aýmaqtyq sýlar (teńiz) eni boıynsha bastapqy syzyqqa deıingi aýmaq – 7470,9780 gektar;
• Beıneý aýdanyndaǵy aýmaqtyq sýlardyń (teńizdiń) eni boıynsha oblys shekarasynan bastap bastapqy syzyqqa deıingi aýmaq 44403,4302 gektar;
• Qaraqııan aýdanynda oblys shekarasynan aýmaqtyq sýlar (teńiz) eni boıynsha bastapqy syzyqqa deıingi alań 103594,2512 gektar;
• Mańǵystaý oblysyndaǵy aýmaqtyq sýlar (teńiz) eni boıynsha oblys shekarasynan bastap bastapqy syzyqqa deıingi aýmaq 68421,9385 gektar;
• Munaıly aýdanyndaǵy oblys shekarasynan aýmaqtyq sýlar (teńiz) eni boıynsha bastapqy syzyqqa deıingi aýmaq 2867,6812 gektar;
• Túpqaraǵan aýdanyndaǵy aýmaqtyq sýlardyń (teńizdiń) eni boıynsha oblys shekarasynan bastap bastapqy anyqtama syzyǵyna deıingi aýmaq 495181,9574 gektardy quraıdy.

Qaýly 2024 jyldyń 23 qańtarynan bastap kúshine enedi.