Mańǵystaý oblysynyń «Oteý-Baqaı» jerinde 1000 gektarǵa jýyq jer memleket menshigine qaıtaryldy
ASTANA. KAZINFORM – Mańǵystaý oblysynda sharýa qojalyǵyn júrgizý úshin bólingen jer ýchaskesi uzaq ýaqyt boıy nysanaly maqsaty boıynsha paıdalanylmaǵany anyqtaldy, dep habarlaıdy QR Aýyl sharýashylyǵy mınstrliginiń baspasóz qyzmeti.
Baspasóz qyzmetiniń málimetterine qaraǵanda, bul týraly QR Aýyl sharýashylyǵy mınıstrligi Mańǵystaý oblysynyń jer resýrstaryn basqarý departamentiniń ótinish negizinde sharýa qojalyǵyna qatysty jospardan tys júrgizgen. Paıdalanylmaǵan jer osy tekserý barysynda anyqtalǵan.
Menshik ıesine jer zańnamasyn buzýshylyqtardy joıý týraly nusqama berildi. Nusqamanyń bir jyl ishinde oryndalmaýyna baılanysty sot sheshimimen menshik ıesine ákimshilik aıyppul salyndy.
- Departament jer ýchaskesin memleket menshigine májbúrlep alyp qoıý týraly talap aryz berdi. Sot sheshimimen departamenttiń talaptary tolyq qanaǵattandyryldy, - delingen habarlamada.
Osyǵan deıin Túrkistan oblysynda 70,9 myń gektar jer memleketke qaıtarylǵany týraly jazǵan edik.
