Mańǵystaý oblysynyń Qaraqııa aýdanyna jańa ákimi taǵaıyndaldy
ASTANA. KAZINFORM — QR Prezıdenti Ákimshiliginiń kelisimi boıynsha, oblys ákimi Nurdáýlet Qılybaıdyń ókimimen Janseıt Qaınarbaev Qaraqııa aýdanynyń ákimi bolyp taǵaıyndaldy. Bul týraly Mańǵystaý oblysy ákiminiń baspasóz qyzmeti málim etti.
Janseıt Isahanuly Qaınarbaev 1984 jylǵy 20 mamyrda Mańǵystaý oblysy Qaraqııa aýdanynyń Qulandy aýylynda dúnıege kelgen.
Eńbek jolyn 2006 jyly «Aqtaý joldary-07» JShS-de sheber qyzmetinen bastaǵan.
2008-2009 jyldary «Qulager» JShS-de bas mehanıktiń orynbasary, 2009-2012 jyldary «TransServısSıtıStroı» JShS-niń basshysy qyzmetterin atqardy.
2012-2014 jyldary «Tazalyq» MKK-da bólim basshysy, 2014-2015 jyldary «Kommýnaldyq qyzmet» MKK-nyń basshysy boldy.
2015-2016 jyldary Túpqaraǵan aýdandyq turǵyn úı-kommýnaldyq sharýashylyǵy, jolaýshylar kóligi jáne avtomobıl joldary bóliminiń basshysy qyzmetin atqardy.
2016-2022 jyldary Túpqaraǵan aýdany ákiminiń orynbasary boldy.
2022-2024 jyldary Jańaózen qalasy ákiminiń orynbasary qyzmetin atqardy.
2024 jylǵy 12 aqpannan bastap osy ýaqytqa deıin Jańaózen qalasynyń ákimi qyzmetin atqaryp keldi.
Buǵan deıin QR Prezıdenti Ákimshiliginiń kelisimi boıynsha, oblys ákimi Nurdáýlet Qılybaıdyń ókimimen Erbol Іzbergenov Mańǵystaý oblysy ákiminiń birinshi orynbasary bolyp taǵaıyndalǵanyn jazdyq.
Al Bekbol Orynbasarov Mańǵystaý oblysy ákiminiń orynbasary bolyp taǵaıyndaldy.
Sondaı-aq búgin Jańaózen qalasynyń ákimi aýysqany belgili boldy.
Maqsat Muqash Aqtaý qalasynyń ákimi bolyp taǵaıyndaldy.
