Mańǵystaý oblysynyń bala quqyqtaryn qorǵaý basqarmasynyń jańa basshysy keldi
ASTANA. KAZINFORM — Mańǵystaý oblysynyń ákimi Nurdáýlet Qılybaıdyń ókimimen oblystyq bala quqyqtaryn qorǵaý basqarmasynyń basshysy bolyp Nesibeli Qýatova taǵaıyndaldy, dep habarlaıdy ákimdiktiń baspasóz qyzmeti.
Nesibeli Qýatova 1979 jyly 1 shildede Mańǵystaý oblysy Túpqaraǵan aýdanynyń Taýshyq aýylynda dúnıege kelgen. Joǵary bilimdi. Sh. Esenov atyndaǵy Kaspıı memlekettik tehnologııalar jáne ınjınırıng ýnıversıtetin «Kásiptik oqytý pedagogy» mamandyǵy boıynsha támamdaǵan. 2024 jyly Astana qalasyndaǵy Qazaqstan Respýblıkasy Prezıdentiniń janyndaǵy Memlekettik basqarý akademııasynda bilim aldy.
Eńbek jolyn 1998 jyly Aqtaý qalasyndaǵy № 15 orta mektepte bastaýysh synyp muǵalimi bolyp bastaǵan.
2004-2007 jyldary «Shetpe» gımnazııasy men «Bolashaq» gımnazııasynda bastaýysh synyp muǵalimi qyzmetin atqardy.
2006-2007 jyldary № 56 «Juldyz» balabaqshasynda tárbıeshi jáne № 7 orta mektepte bastaýysh synyp muǵalimi boldy.
2010-2011 jyldary Mańǵystaý oblystyq bilim basqarmasyna qarasty kórý qabileti buzylǵan balalarǵa arnalǵan № 1 arnaıy túzetý mektep-balabaqshasy dırektorynyń oqý isi jónindegi orynbasary qyzmetin atqardy.
2011 jyly Mańǵystaý oblystyq kámeletke tolmaǵandardy beıimdeý ortalyǵynda tárbıeshi boldy.
2012-2025 jyldary «Daryn» oblystyq qosymsha bilim berý ortalyǵynda uıymdastyrýshydan bastap dırektor laýazymyna deıingi qyzmet jolynan ótti.
2025 jylǵy qarasha aıynan bastap osy ýaqytqa deıin Túpqaraǵan aýdandyq bilim bóliminiń basshysy qyzmetin atqardy.
Buǵan deıin Erlan Qarın jańa laýazymdy qyzmetke taǵaıyndalǵanyn jazdyq.
