13:23, 25 Jeltoqsan 2024 | GMT +5
Mańǵystaý oblysynyń ákimi ushaq apaty bolǵan jerge bardy
AQTAÝ. KAZINFORM — Mańǵystaý oblysynyń ákimi Nurdáýlet Qılybaı ushaq apaty bolǵan jerge bardy. Bul týraly oblys ákiminiń baspasóz qyzmeti habarlady.
Óńir basshysy oqıǵanyń mán-jaıyn bilip, qutqarý jumystarynyń barysymen tanysty.
Sonymen qatar barlyq quzyrly organǵa tıisti tapsyrmalar berdi jáne barlyq jaǵdaı oblys ákiminiń jeke baqylaýynda.
Aıta keteıik, Aqtaýda Azerbaijan Airlines ushaǵy apatqa ushyrady.
Oqıǵa ornyna QR Tótenshe jaǵdaılar mınıstrligi jeke quramynyń 52 adamy men 11 birlik tehnıkasy bardy.
Apatqa ushyraǵan ushaq bortynda Qazaqstannyń 6 azamaty boldy.
QR Kólik mınıstrligi málim etkendeı, Ázerbaıjan tarapynyń aldyn ala aqparaty boıynsha, bortta 62 jolaýshy men 5 ekıpaj múshesi bolǵan.