Mańǵystaý oblysynyń ákimi Nurdáýlet Qılybaı sheıh Sýrýr ben Muhammed Ál Nahaıanmen kezdesti
ASTANA. KAZINFORM – Mańǵystaý oblysynyń delegatsııasy Birikken Arab Ámirlikteriniń astanasy Ábý-Dabıge Joǵary mártebeli sheıh Sýrýr ben Muhammed Ál Nahaıannyń shaqyrýymen bardy.
Kezdesý barysynda týrızm, kólik jáne logıstıka, munaıdy tereń óńdeý jáne ózge de perspektıvaly salalarǵa ınvestıtsııa tartý máseleleri talqylandy. Taraptar atalǵan baǵyttar boıynsha yntymaqtastyq ornatý jóninde ózara túsinistikke qol jetkizdi.
Sonymen qatar Joǵary mártebeli sheıh Sýrýr ben Muhammed Ál Nahaıan aldaǵy ýaqytta Mańǵystaý oblysyna arnaıy saparmen kelýdi josparlap otyrǵanyn málimdedi.
Aıta keteıik, Memleket basshysy Qasym-Jomart Toqaev halyqqa arnaǵan «Jasandy ıntellekt dáýirindegi Qazaqstan: ózekti máseleler jáne ony túbegeıli tsıfrlyq ózgerister arqyly sheshý» atty Joldaýynda oblys ákimderine óńirlerge ınvestıtsııa tartý jumystaryn jandandyrýdy tapsyrǵan bolatyn. Osyǵan oraı, Mańǵystaý oblysynyń ákimdigi berilgen tapsyrmalardy júzege asyrý baǵytynda alǵashqy qadamdaryn bastap ketti.