Mańǵystaý oblysynyń ákimi Nurdáýlet Qılybaı referendýmǵa qatysty
AQTAÝ. KAZINFORM – Búgin 6 qazanda Mańǵystaý oblysynyń ákimi Nurdáýlet Qılybaı daýys beretin ýchaskesine kelip, óz tańdaýyn jasady.
Oblystyń barlyq aımaǵynda jalpyhalyqtyq referendýmǵa qatysý belsendi jalǵasyp jatyr. Óńirde 435 162 adam daýys berýge quqyly. 250 ýchaskeniń 238-i halyqpen tikeleı jumys isteıdi. Al 12 jabyq saılaý ýchaskesinde aýysym qyzmetkerleri, tergeý ızolıatoryndaǵylar, aýrýhanadaǵy naýqastar daýys beredi.
Óńir basshysy turǵyndardy referendýmǵa qatysyp, tańdaý jasaýǵa shaqyrdy.
– Búgin elimizde mańyzdy, tarıhı kún. Jalpyhalyqtyq referendým Qazaqstannyń demokratııalyq damý jolyndaǵy mańyzdy qadam. Memleket basshysy Qasym-Jomart Toqaev atap ótkendeı, daýys beretin turǵyndar elimizdiń qoǵamdyq ómirindegi úlken ózgeristerdi boljaıdy, adam quqyqtaryn aldyńǵy orynǵa qoıady, - dedi Nurdáýlet Qılybaı.
Eske salsaq, Ortalyq referendým komıssııasy tóraǵasynyń orynbasary Konstantın Petrov eldiń barlyq óńirinde Qazaqstanda atom elektr stantsııasyn salý máselesi boıynsha jalpyulttyq referendým bastalǵanyn resmı málim etti.
1 shildedegi jaǵdaı boıynsha el kóleminde 12 176 968 adam referendýmda daýys berýge haqyly.