Mańǵystaý oblysyndaǵy kedendik shekarada elektrondy kezek engizildi
Mańǵystaý oblysynda 1 qańtardan bastap Qazaqstan Respýblıkasynyń kedendik shekarasynda avtomattandyrylǵan elektrondy kezek júıesi pılottyq rejımde iske qosyldy, dep habarlaıdy Kazinform.
Mańǵystaý oblysy boıynsha Memlekettik kirister departamentiniń málimetinshe, bul júıe EAEO-nyń syrtqy shekarasymen tuspa-tus keletin Qazaqstan Respýblıkasynyń kedendik shekarasynyń 2 ótkizý pýnktinde jumys isteıdi: «Temir baba» keden beketi (qazaq-túrikmen shekarasynda kólik ótkizý); «Tájen» keden beketi (qazaq-ózbek shekarasyndaǵy kólikti ótkizý).
Elektrondyq kezek júıesin qurýdyń maqsaty – kólik quraldaryn, júkter men taýarlardy ótkizý pýnktindegi tártibin qalyptastyrý úderisiniń ashyqtyǵyn jáne tsıfrlandyrýdy qamtamasyz etý, sondaı-aq elimizdiń tranzıttik, kóliktik jáne eksporttyq áleýetin arttyrý.
Júıeni Qazaqstan Respýblıkasy Qarjy mınıstrliginiń Aqparattyq-eseptik ortalyǵy AQ mamandary ázirlegen. Bul júıe barynsha yńǵaıly jáne ashyq portalda nemese mobıldi qosymsha arqyly tirkelgennen keıin júrgizýshi bos kún men ýaqytty tańdaıdy. Bul jaǵdaıda júrgizýshi óz kezegi týraly SMS habarlama alady.
Elektrondyq kezekti engizýdiń ýaqytsha shemasy men merzimimen Memlekettik kirister komıtetiniń resmı ınternet-resýrstarynan jáne CargoRuqsat.kz saıtynan tanysýǵa bolady.
Osyǵan baılanysty, atalǵan avtobaqylaý pýnkteri arqyly Qazaqstan aýmaǵynan shyǵýdy josparlaǵan tasymaldaýshylar «CarGoRuqsat» qosymshasy arqyly elektrondy kezekte oryn brondaýy qajet.
Ol úshin silteme boıynsha ótip, «CarGoRuqsat» qosymshasyna tirkelip, júıege kirip, qajetti ótkizý pýnktin tańdap, shekaradan ótý kúni men ýaqytyn kórsetip, toltyrý qajet.
Ótinim maquldanǵannan keıin shekaradan ótý úshin ótkizý pýnktine ýaqytyly kelý kerek.
Kedergilerdi boldyrmaý úshin tasymaldaýshylar elektrondy kezekti aldyn ala brondaǵany jón.
Barlyq suraqtar boıynsha KGD baılanys ortalyǵyna 1414, 8-800-080-7777 telefondary boıynsha habarlasýǵa bolady.
Qazaqstan Respýblıkasynyń memlekettik shekarasy arqyly avtokólik quraldaryn, júkter men taýarlardy ótkizý, sondaı-aq olardyń elektrondyq kezek arqyly ótýi úshin alymdardyń mólsherleri:
(Qazaqstan Respýblıkasy Qarjy mınıstrliginiń 2023 jylǵy 25 mamyrdaǵy No 538 buıryǵymen bekitilgen)
1) Avtomattandyrylǵan elektrondyq kezek júıesinde brondaý kúni men ýaqyty boıynsha Qazaqstan Respýblıkasynyń Memlekettik shekarasy arqyly ótý úshin júk kólikteri, onyń ishinde tirkemelerimen, júk avtomobılderi men traktorlar – 1 AEK (1 (bir) kólik quraly úshin tólem);
2) Qazaqstan Respýblıkasynyń memlekettik shekarasy arqyly kezekten tys (jedeldetilgen) tártippen ótkizý úshin júk avtomobılderi, onyń ishinde tirkemeleri bar júk avtomobılderi, traktorlar – kesip ótý kúnin keıinge qaldyrý múmkindigimen tólem jasalǵan kúnnen bastap kúntizbelik 30 (otyz) kún ishinde – 100 AEK (1 (bir) kólik quraly úshin tólem somasy);
3) Qazaqstan Respýblıkasynyń memlekettik shekarasy arqyly kezekten tys (jedeldetilgen) tártipte ótkizýge arnalǵan júk kólikteri, onyń ishinde tirkemeleri bar júk avtomobılderi, traktorlar – kesip ótý kúnin keıinge qaldyrý múmkindigimen tólem jasalǵan kúnnen bastap kúntizbelik 5 (bes) kún ishinde – 50 AEK (1 (bir) kólik quraly úshin tólem somasy).
