Mańǵystaý oblysyndaǵy Beıneý astyq termınaly iske qosyldy
AQTAÝ. KAZINFORM – Beıneý aýdanyndaǵy astyq termınaly uzaq úzilisten keıin qaıta jandandy.
2018 jyldan beri jumysy turalap qalǵan kásiporyn alǵashqy ónimin shyǵardy. Termınalǵa 10 vagon, ıaǵnı 700 tonna bıdaı jetkizildi. Onyń 75 paıyzynan un, 25 paıyzynan kebek shyǵarylady.
- Zaýyt endi toqtamaı, «Qazaqstanda jasalǵan» brendimen «Beıneý uny» álemge tanylady degen úmittemiz, - deıdi aýdan ákimi Rahymjan Shalbaev.
Termınaldyń jalpy aýdany – 26 gektar. Qazaqstan-Túrikmenstan shekarasyna tikeleı shyǵýǵa múmkindik beretin 8 shaqyrymdyq temirjoly jáne jyljymaly quramy bar perspektıvaly logıstıkalyq hab sanalady.
Munda bir mezgilde 100 myń tonna astyq saqtaýǵa múmkindik bar. Qýattylyǵy táýligine 320 tonna un men 80 tonna kebek shyǵarýǵa jetedi. Al jańartylǵannan keıin bul kórsetkishter 400 tonna un jáne 240 tonna qurama jem berýge deıin ulǵaıtylady.
Mańǵystaýda 1 myń gektar jer memleketke qaıtarylǵanyn jazǵan bolatynbyz.