Mańǵystaý oblysynda birneshe balabaqshaǵa 100 mln teńgeden astam aıyppul salyndy

AQTAÝ. KAZINFORM – Mańǵystaý oblysy prokýratýra organdary óńirdegi mektepke deıingi bilim berý uıymdaryn tekserip jatyr. Bul týraly oblystyq prokýratýranyń baspasóz qyzmeti habarlady.

Nátıjesinde sanıtarlyq normalar, órt qaýipsizdigi, eńbek zańnamasy, bilim berý jáne medıtsınalyq qyzmet salalarynda buzýshylyqtar anyqtaldy.

Qazirgi ýaqytta aıaqtalǵan tekserýler boıynsha 600-ge jýyq ákimshilik is qozǵalyp, jalpy somasy 100 mln teńgeden astam aıyppul salyndy.

Sondaı-aq, tekserý nátıjesimen 15 balabaqshadan (3 memlekettik, 12 jeke menshik bala baqsha) 72,2 mln teńgege memleketke zalal keltirý deregi anyqtaldy.

Atap aıtqanda, 12 jeke menshik balabaqshada qatyspaǵan balalar úshin negizsiz memleketten 47 mln teńge kóleminde qarajat alǵan.

Olarǵa qatysty Qylmystyq kodekstiń 190-babyna sáıkes sotqa deıingi tergep-tekserý bastaldy.

Budan bólek, 3memlekettik balabaqshanyń esepshilerimen 25 mln teńgege qarajatty jymqyrý deregi anyqtalyp, QK-tiń 189-babymen (jymqyrý) 2sotqa deıingi tergep-tekserý júrgizilip jatyr.

Buǵan deıin Mańǵystaýda qyrkúıekte 5 jańa mektep qoldanysqa beriletinin jazǵan bolatynbyz.