Mańǵystaý oblysynda jolda qalyp qoıǵan 13 júk kóligi qutqaryldy
AQTAÝ. KAZINFORM – Mańǵystaý oblysynda jolaýshylary bar 13 júk kóligi qar qursaýynan shyǵaryldy.
Bul týraly QR Tótenshe jaǵdaılar mınıstrliginiń baspasóz qyzmeti habarlady.
Baspasóz qyzmetiniń málimetterine qaraǵanda, Mańǵystaý oblysynyń 112 qyzmetine jolaýshylary bar 13 kóliktiń qar qursaýynda qalyp qoıǵany týraly habarlama kelip túsken.
Habardy alysymen qutqarýshylar Jetibaı-Jańaózen tas jolynyń 204 shaqyrymyna dereý jolǵa shyqty.
- Júk kólikteri joldyń tazartylǵan bóligine súıretilip shyǵaryldy. Qutqarylǵandarǵa medıtsınalyq kómek jáne evakýatsııa qajet bolmady, - delingen habarlamada.
