Mańǵystaý oblysynda jol apatynan zardap shekken eki naýqas Astanaǵa jetkizilmek
AQTAÝ. KAZINFORM – Dárigerler Mańǵystaý oblysynda avtomobıl apatynan zardap shekken eki áıeldiń jaǵdaıyn turaqtandyryp, keıin Astanadaǵy Ulttyq shuǵyl medıtsına ortalyǵynyń klınıkasyna jetkizbekshi. Bul týraly Densaýlyq saqtaý mınıstrligi málim etti.
Mańǵystaý oblysyndaǵy Beket-ata — Shopan-ata avtojolynda avtomobıl apatynan zardap shekken eki áıel bir kún buryn sanıtarııalyq avıatsııa bortymen Jańaózennen Mańǵystaý oblystyq kópbeıindi aýrýhanasyna jetkizildi.
— Aýyr jaǵdaıdaǵy eki patsıentti odan ári emdeý boıynsha búgin Densaýlyq saqtaý mınıstrliginiń Respýblıkalyq ortalyqtary mamandarynyń qatysýymen telemedıtsınalyq konsýltatsııalar ótkizildi. Aldaǵy kúnderi olardy Astanadaǵy Ulttyq shuǵyl medıtsınany úılestirý ortalyǵynyń klınıkasyna jatqyzý usynyldy, — delingen vedomstvo habarlamasynda.
Olardyń biri — polıjaraqat dıagnozy qoıylǵan, eki ókpesi de kógergen, bul desatýratsııa kezeńderin týdyrady jáne tasymaldaýdy qıyndatýy múmkin. Basqa patsıenttiń jaǵdaıy salystyrmaly túrde turaqty, endi alańdaýshylyq týǵyzbaıdy. Apattan zardap shekken úshinshi adam Jańaózen qalasynyń aýrýhanasynda qaldy, onyń jaǵdaıy turaqty.
Buǵan deıin habarlanǵandaı, jol apatynan qaza tapqan azamattardyń týystaryn Mańǵystaý oblysyna jetkizý úshin bort jiberilgen bolatyn.