Mańǵystaý oblysynda jańa gaz óńdeý zaýytynyń qurylysy jalǵasyp jatyr
AQTAÝ. KAZINFORM — QR Energetıka vıtse-mınıstri Álibek Jamaýov Jańaózen qalasyndaǵy jańa gaz óńdeý zaýytynyń qurylys alańyn aralap, qurylys-montaj jumystarynyń barysymen tanysty. Búl týraly vedomstvonyń baspasóz qyzmeti málim etti.
Іske qosý kesheni №1 aıasynda negizgi irgetastar boıynsha betondaý jumystary aıaqtalyp, syrtqy ınjenerlik jelilerdi júrgizýdi jáne avtoturaq aýmaǵyn asfalttaýdy qosa alǵanda, jer jumystarynyń tolyq kesheni oryndaldy. Basty tómendetý qosalqy stantsııasynda jerge tuıyqtaý júıesiniń birinshi kezeńi aıaqtalyp, ýaqytsha elektrmen jabdyqtaý qosyldy, avtokólik tarazylary ornatylyp, ýaqytsha qoıma jabdyqtaldy.
Sonymen qatar, negizgi tehnologııalyq aımaqtaǵy nysandarda – ákimshilik-turmystyq keshende, operator bólmesinde, qoımalarda jáne órt sóndirý beketinde – jer qazý jáne betondaý jumystary bastaldy. Alańdy josparlaý, topyraqty tegisteý jáne nyǵyzdaý jumystary júrgizilip jatyr.
Inspektsııa qorytyndysy boıynsha Álibek Jamaýov jobany sapa standarttaryna saı jáne belgilengen merzimde júzege asyrýdyń mańyzdylyǵyn atap ótti. Bul zaýyt Mańǵystaý oblysynyń ǵana emes, jalpy eldiń gaz salasyn ornyqty damytý jolyndaǵy strategııalyq mańyzy bar nysan ekenin aıtty.
Eske sala keteıik, buǵan deıin zaýyttyń transformatorlar qoıylatyn irgetasqa beton quıý jumystary aıaqtalǵany, qum tógý jumystary júrgizilgeni aıtyldy. Sonymen qatar 110 kV bolatyn jelilik portal, blok-modýldik ǵımarat jáne maı qabyldaý boıynsha jumys bitti. Sonymen qatar jerge tuıyqtaý kontýrdy montajdaý aıaqtaldy. Zaýyt alańyn daıyndaý merzimnen buryn, ıaǵnı 2025 jylǵy 28 mamyrda bastalyp ketti.