Mańǵystaýda prokýratýranyń yqpalymen dárigerlerge tıesili 273 mln teńge jalaqy tólendi
ASTANA. KAZINFORM - Mańǵystaý oblysynyń Munaıly aýdanynda medıtsına mamandarynyń jalaqysy iske prokýratýra aralasqannan keıin ǵana berildi, dep habarlaıdy oblystyq prokýratýranyń baspasóz qyzmeti.
Baspasóz qyzmetiniń málimetterie qaraǵanda, tekserý barysynda Munaıly aýdanynyń prokýratýrasy aýdandyq aýrýhananyń 1040 qyzmetkeriniń quqyqtarynyń buzylǵanyn anyqtady. Olarǵa bıylǵy jyldyń qazan aıyndaǵy jalaqysy belgilengen merzimde tólenbegen.
-Engizilgen qadaǵalaý aktisiniń nátıjesinde 273 mln teńgeden astam mólsherde aýrýhana qyzmetkerleriniń jalaqysy tólendi, bul olardyń konstıtýtsııalyq quqyqtaryn tolyq qalpyna keltirýge múmkindik berdi,-delingen habarlamada.
Osyǵan deıin Qazaqstanda 10 myńnan asa jumyskerge 2,6 mlrd teńgeniń jalaqysy tólenbeı qalǵany týraly jazdyq.
