Aqtaýda 205 keli bekireni kólikpen alyp bara jatqan eki adam ustaldy
ASTANA. KAZINFORM — Aqtaýda polıtsııa qyzmetkerleri kóliktiń júksalǵyshynan jalpy salmaǵy 205 keli bolatyn 50 dana bekire balyǵyn tárkiledi. Oqıǵaǵa qatysty eki er adam ustaldy.
Polıtsııanyń málimetinshe, 28 tamyz kúni Aqtaý qalasynda Mańǵystaý oblysy polıtsııa departamenti krımınaldyq polıtsııa qyzmetkerleri JBO, JQAJ jáne patrýldik polıtsııa batalony qyzmetkerleriniń qatysýymen júrgizilgen jedel-izdestirý is-sharalary barysynda Toyota Camry avtokólik júrgizýshisin toqtatty.
— Avtokólikti tintý barysynda júksalǵyshtan segiz paketke salynǵan jalpy salmaǵy 205 keli bolatyn 50 dana bekire balyǵy tabylyp, tárkilendi, — delingen polıtsııanyń baspasóz qyzmeti taratqan habarlamada.
Avtokólikte bolǵan eki er adam ustalyp, polıtsııaǵa jetkizildi.
Bul derek boıynsha QR QK-niń 339-babynyń 1-bóligimen qylmystyq is qozǵaldy. Tárkilengen balyq jaýapty saqtaýǵa berildi.
Tergeý jalǵasyp jatyr.
Eske salaıyq, buǵan deıin Aqtaýda 256 keli bekire tuqymdas balyq tárkilengen edi.
