Mańǵystaý oblysynda munaı nysandarynan jabdyq urlaǵan kúdikti ustaldy
AQTAÝ. KAZINFORM – Jańaózende munaı-gaz kásipornynyń óndiristik nysandarynan jabdyq urlady degen kúdikpen er adam ustaldy. Kúdikti «Metall» jedel-profılaktıkalyq is-sharasy barysynda anyqtalǵan.
Polıtsııaǵa Teńge aýylyndaǵy uńǵymalardyń birinen eki shıberli ysyrmanyń urlanǵany týraly habarlama túsken. Urlanǵan jabdyqtyń jalpy quny 1,5 mln teńgeden asady.
Jedel-izdestirý is-sharalary nátıjesinde kúdikti anyqtalyp, ustaldy. Tekserý barysynda onyń kásiporyn múlkin urlaýdyń taǵy birneshe deregine qatysy bolýy múmkin ekeni belgili bolǵan.
-Jalpy alty urlyq deregine qatysy bar degen kúdikke ilindi. Atalǵan faktiler boıynsha QR Qylmystyq kodeksiniń 188-baby («Urlyq») boıynsha qylmystyq ister qozǵaldy. Kúdikti ýaqytsha ustaý ızolıatoryna qamaldy, - delingen habarlamada.
Qazirgi ýaqytta urlanǵan jabdyqtardyń ornalasqan jerin anyqtaý jáne qylmysqa basqa adamdardyń qatysy bar-joǵyn tekserý jumystary júrgizilip jatyr.
Buǵan deıin, Aqtaýlyq sarbazdan áskerı bólimdegi uryp-soǵýǵa qatysty shaǵym túsken bolatyn.
