Mańǵystaý oblysynda marıhýanany zańsyz saqtady degen kúdikpen úsh adam ustaldy
ASTANA. KAZINFORM – «Qarasora» respýblıkalyq jedel-profılaktıkalyq is-sharasy aıasynda polıtsııa qyzmetkerleri esirtki zattaryn tasymaldady degen kúdikpen Mercedes-Benz E200 júrgizýshisin toqtatty.
ІІM baspasóz qyzmeti málimetinshe, kólikti tekserý barysynda marıhýana salynǵan eki polımerli orama jáne 2 mln teńgeden astam qarajat tárkilendi.
Atalǵan derek boıynsha Mańǵystaý oblysynyń úsh turǵyny ustaldy. Medıtsınalyq kýálandyrý nátıjesinde olardyń barlyǵynyń marıhýanany qoldanǵany rastaldy.
Sot sheshimimen ustalǵan úsh azamat ákimshilik jaýapkershilikke tartylyp, 20 táýlikke arnaıy qabyldaý ornyna qamaldy.
Al atalǵan kólik arnaıy aıyp turaǵyna qoıyldy. Osy derek boıynsha sotqa deıingi tergep-tekserý júrgizilip jatyr.
Tergeý múddesine baılanysty ózge aqparat jarııa etýge jatpaıdy.
Aıta keteıik, Aqtóbede er adamdy kóliktiń júksalǵyshynda kúshtep alyp júrgen kúdikti top ustaldy.
