Mańǵystaý oblysynda kólik qozǵalysyna shekteý qoıylady

ASTANA. KAZINFORM – QazAvtoJol Mańǵystaý oblysynda kólik qozǵalysyna shekteý qoıylǵanyn habarlady.

- Aýa raıynyń qolaısyzdyǵyna baılanysty 2026 jylǵy 31 qańtar saǵat 22:00-den bastap respýblıkalyq mańyzy bar «Dossor – Qulsary – Beıneý – Saı-Ótes – Shetpe – Jetibaı – Aqtaý» avtojolynyń 632-718 shaqyrym aralyǵynda, ıaǵnı Shetpe eldi mekeni men Jetibaı eldi mekeni arasynda barlyq kólik túrleriniń qozǵalysyna shekteý qoıylady, - delingen aqparatta.

Jol qozǵalysyn 1 aqpan kúni saǵat 11:00-de qaıta ashý josparlanyp otyr.

Qosymsha aqparatty táýlik boıy 1403 baılanys ortalyǵyna habarlasý arqyly alýǵa bolady.

Aıta keteıik, búgin tórt oblysta jol qozǵalysy jabylǵan bolatyn.