Mańǵystaý oblysynda kıik múıizderin zańsyz saqtaǵan turǵyn ustaldy
ASTANA. KAZINFORM – Jedel-izdestirý is-sharalary barysynda polıtsııa qyzmetkerleri men «Búrkit» arnaıy bólimshesi, Mańǵystaý oblysy prokýratýrasynyń úılestirýimen Beıneý aýdanynyń Turysh aýylyndaǵy bir úıdiń aýlasynan kıikke qatysty zańsyz áreketterdiń deregin anyqtady.
Tintý kezinde Qyzyl kitapqa engizilgen 9 kıiktiń ushasy, 30 múıizi, sondaı-aq 16 mm kalıbrli oq-dáriler men ózge de zattaı aıǵaqtar tabylyp, tárkilendi.
Atalǵan derek boıynsha Qylmystyq kodeksiniń 339-babynyń 1-bóligine sáıkes qylmystyq is tirkelip, materıaldar SDTBT-ǵa engizildi.
Tárkilengen aıǵaqtar saraptamaǵa jiberildi.
Kúdiktige qatysty bultartpaý sharasy retinde elden ketpeý týraly qolhat alyndy.
Aıta ketelik Batys Qazaqstanda kıik eti qalaı satylyp jatqany týraly jazǵan edik.