Mańǵystaý oblysynda «Keleshek mektepteri» ulttyq jobasy sátti aıaqtaldy
AQTAÝ. KAZINFORM – Aqtaý qalasynyń 16-shaǵynaýdanynda Memleket basshysy Qasym-Jomart Toqaevtyń bastamasymen júzege asyp jatqan «Keleshek mektepteri» ulttyq jobasy aıasynda № 35 mektep saltanatty túrde ashyldy.
Bul — Mańǵystaý oblysynda atalǵan joba boıynsha iske qosylǵan on úshinshi mektep.
Jańa formattaǵy bilim berý uıymy 1 500 oqýshyǵa eseptelgen. Jalpy aýmaǵy 15 myń sharshy metrden asatyn mektepte 77 pán kabıneti qarastyrylǵan.
Ashylý rásimine Mańǵystaý oblysynyń ákimi Nurdáýlet Qılybaı qatysyp, ustazdar men oqýshylardy quttyqtady.
— Bul bastama balalardyń sapaly bilim alyp, bolashaq mamandyǵyn erterek tańdaýyna jol ashady. Mektepter tek bilim berý orny emes, oqýshylardyń qabiletin ashyp, olardyń jan-jaqty damýyna jaǵdaı jasaıtyn keńistikke aınalýǵa tıis, — dedi aımaq basshysy.
Aıta keteıik, buǵanǵa deıin Mańǵystaý oblysynda «Keleshek mektepteri» ulttyq jobasy aıasynda 11 myńnan astam oqýshyǵa arnalǵan 12 mektep paıdalanýǵa berilgen. Osylaısha, joba aıasynda 13 mektep tolyq iske qosylyp otyr.
