Ómirlik qıyn jaǵdaıdaǵy azamattar 8 kún ishinde onlaın kómek ala alady
ASTANA. KAZINFORM — Ómirlik qıyn jaǵdaıǵa tap bolǵan azamattar endi áleýmettik kómek alý úshin eGov Mobile mobıldi qosymshasy arqyly ótinish bere alady. Bul týraly QR Elektrondyq úkimeti habarlady.
Máslıhattardyń sheshimi boıynsha áleýmettik kómek qosymsha qoldaýǵa muqtaj azamattarǵa, sonyń ishinde áleýmettik mańyzy bar aýrýlary bar adamdarǵa, óz-ózine qyzmet kórsete almaıtyn egde jastaǵy azamattarǵa, ata-anasynyń qamqorlyǵynsyz qalǵan tulǵalarǵa, sondaı-aq tabysy tómen otbasylarǵa kórsetiledi
Qyzmet kórsetý nátıjesi retinde áleýmettik kómektiń taǵaıyndalǵany týraly habarlama nemese ótinishtiń qanaǵattandyrylmaǵany jóninde negizdelgen jaýap beriledi.
Ótinish berilgennen keıin ol ýákiletti organ tarapynan qaralady. Sheshim otbasynyń tabys deńgeıin jáne belgilengen ózge de ólshemderdi eskere otyryp qabyldanady. Ótinishti qaraý merzimi – 8 jumys kúnine deıin. Qyzmet tegin kórsetiledi.
Buǵan deıin barlyq vedomstvolyq júıe QazTech biryńǵaı platformasyna kóshiriletinin jazǵan edik.