Mańǵystaý oblysynda qaýipti jol aýmaqtary belgili boldy
AQTAÝ. KAZINFORM — Mańǵystaý oblysynda qys aılarynan beri qar, jaýyn-shashyn tolastaı otyr. Bul turǵydan aımaqta respýblıkalyq mańyzdaǵy tas joldarda sý tasqyny bolýy múmkin qaýipti ýchaskeler belgilendi.
«Qazavtojol» ulttyq kompanııasynyń Mańǵystaý oblystyq fılıaly mamandardyń sózinshe, Dossor-Qulsary-Beıneý-Saıótes-Shetpe-Jetibaı-Aqtaý avtojolynyń 640-641 shaqyrymynda, sondaı-aq Jetibaı-Jańaózen-Kendirli-Túrkimenstan Respýblıkasy shekarasy jolynyń 124-133 shaqyrymy aralyǵyn tasqyn sý shaıý qaýpi bar.
«Aldyn alý jáne saldaryn joıý maqsatynda „Kajservıs“ mekemesiniń qyzmetkerleri 14 arnaıy tehnıka kómegimen jumys atqaryp jatyr. Sonymen qatar, tasqyn sýdy bógeý úshin 1 myń tekshe metr qum jáne 500-ge jýyq qapshyq ázirlendi. Bul materıaldar joldarda kólikterdiń kedergisiz júrýin qamtamasyz etý úshin qoldanylady. Sondaı-aq, tasqyn sý bolýy múmkin jol ýchaskelerinde táýlik boıy monıtorıng jumystary júrgizilip jatyr», — dedi «Qazavtojol» ulttyq kompanııasynyń Mańǵystaý oblystyq fılıalynyń ókilderi.
