Mańǵystaý oblysynda ınvestıtsııalyq jobalarǵa baqylaý kúsheıedi

AQTAÝ. KAZINFORM — Mańǵystaý oblysynyń prokýratýrasy «Aqtaý teńiz porty» AEA aýmaǵyndaǵy ınvestıtsııalyq jobalarǵa qadaǵalaýdy kúsheıtti. Bul týraly óńirlik prokýratýra málim etti. 

Qazaqstan Respýblıkasy Prezıdentiniń erkin ekonomıkalyq aımaqtardy damytýǵa erekshe nazar aýdarǵanyn eskerip, Mańǵystaý oblysynyń prokýratýrasy «Aqtaý teńiz porty» AEA aýmaǵynda iske asyrylyp jatqan ınvestıtsııalyq jobalarǵa erekshe baqylaý júrgizilip jatyr. 

Prokýratýranyń málimetinshe, jyldyń basynan beri AEA aýmaǵynda jalpy quny 40 mlrd teńgeden asatyn jobalardy júzege asyryp jatqan 13 ınvestordyń quqyǵy qorǵalǵan. 

Sonymen qatar quqyqtyq súıemeldeý barysynda óńir úshin mańyzdy bolyp tabylatyn iri kókónis saqtaý qoımasy men qubyr zaýyty qurylysyna qatysty eki ınvestordyń jobalardy jalǵastyrýdan bas tartý faktileri tirkelgen. 

— Jumys oryndaryn qurý men áleýmettik-ekonomıkalyq áserdi saqtaý jáne merzimderdiń buzylýyna jol bermeý maqsatynda prokýratýra AEA basshylyǵymen birlese otyryp, jobalardy aıaqtaý jónindegi mindettemelerdi basqa ınvestorlarǵa berý rásimin júrgizdi. Prokýratýranyń keshendi jumysynyń jáne ýákiletti organdarmen ózara is-qımylynyń nátıjesinde «Aqtaý teńiz porty» AEA qyzmet etý merzimi 2052 jylǵa deıin uzartylyp, uzaq merzimdi ınvestıtsııalarǵa qosymsha kepildikter jasalyp, óńirdiń ınvestıtsııalyq tartymdylyǵy nyǵaıtyldy, — delingen habarlamada.

Mańǵystaý oblysynyń prokýratýrasy ınvestorlardyń quqyqtaryn qorǵaý, zańdylyqty qamtamasyz etý jáne erkin ekonomıkalyq aımaqtyń turaqty damýyna járdemdesý boıynsha júıeli jumysty jalǵastyrady.

Buǵan deıin habarlanǵandaı, Pavlodarda prokýratýra qyzmetkerine qatysty alaıaqtyq faktisi boıynsha tergeý júrip jatyr.