Mańǵystaý oblysynda ereýilge shyqqan jumysshylarǵa bos jumys oryndary usynyldy – mınıstrlik

ASTANA. KAZINFORM – Eńbek jáne halyqty áleýmettik qorǵaý vıtse-mınıstri Oljas Ordabaev Mańǵystaý oblysynda ereýilge shyqqan jumysshylardy eńbekpen qamtýǵa qatysty pikir bildirdi.

«Mańǵystaý oblysynda ereýilge shyqqan jumysshylardyń qazirgi mártebesi týraly mende aqparat joq, naqtylaý kerek. Jalpy, atalǵan óńirde jumys izdegen barlyq azamatqa bizdiń mansap ortalyǵy bos jumys oryndaryn usynady. Onyń ishinde ereýilge shyqqan, jumysqa ornalaspaǵan azamattar da bar. Olarǵa ózi turatyn eldi mekendegi bos jumys oryndary usynyldy, olardyń bireýi kelisti, bireýi kelispedi», - dedi Oljas Ordabaev Ortalyq kommýnıkatsııalar qyzmeti alańynda ótken baspasóz máslıhatynda.

Vıtse-mınıstr keltirgen málimetke súıensek, elektrondyq eńbek bırjasynda Jańaózen qalasy boıynsha 629 bos jumys orny bar.

«Jumys izdep júrgen barlyq azamatty shaqyramyz, eńbekpen qamtýǵa tyrysamyz. Mamandyǵy bar adamdarǵa jumys bar», - deıdi mınıstrdiń orynbasary.