Mańǵystaý oblysynda «Eń úzdik aýyl» anyqtalmaq

AQTAÝ. KAZINFORM — Nurdáýlet Qılybaı aýyl mártebesin kóterý maqsatynda «Úzdik aýyl ákimdigi» reıtıngin ótkizýdi tapsyrdy. Bul týraly Mańǵystaý oblysy ákiminiń baspasóz qyzmeti málim eti.

көше, ауыл
Фото: Маңғыстау облысы әкімінің баспасөз қызметі

Mańǵystaý oblysynyń ákimi Nurdáýlet Qılybaı óńirdegi aýyl ákimdikteriniń jumys sapasyn arttyryp, aımaq halqynyń ómir súrý deńgeıin kóterý maqsatynda «Eń úzdik aýyldy» anyqtap, «Úzdik aýyl ákimdigi» reıtıngin ótkizýdi tapsyrdy.

Mańǵystaý oblysynda «Eń úzdik aýyl» anyqtalmaq
Foto: Mańǵystaý oblysynyń ákimdigi

— Qazaqstan Respýblıkasy Prezıdentiniń joldaýynda aıqyndalǵan aýyl halqynyń turmys-tirshiligin kóterý maqsatynda oblysymyzdaǵy aýyl ákimdikteri arasynda baıqaý jarııalaýdy jón sanadyq. Negizgi maqsat — aýyl mártebesin kóterý, jaǵdaıyn ilgeriletý, ekonomıkasyn damytý, aýyl ákimderi men qyzmetkerlerin jigerlendirý, derbestigin jáne jaýapkershiligin arttyrý, — dedi aımaq basshysy Nurdáýlet Qılybaı.

«Úzdik aýyl» jobasy aýyldyń turǵyn úı-kommýnaldyq sharýashylyq jaǵdaıy (gaz, sý, toq, ınternet, qoqys), qarjylyq turaqtylyq, shaǵyn jáne orta bıznesti qoldaý, aýyl sharýashylyǵynyń órkendeýi, jumyspen qamtylǵan halyq sany, qoǵamdyq tártip, áleýmettik sala kórsetkishteri, aýyldaǵy mektep túlekteriniń UBT nátıjesi negizinde qorytyndylanady.

Mańǵystaý oblysynda «Eń úzdik aýyl» anyqtalmaq
Foto: Mańǵystaý oblysynyń ákimdigi

Úzdikterdi máslıhat depýtattary men qoǵam belsendilerinen qurylǵan arnaıy komıssııa anyqtaıdy. Baıqaý jyldyń sońynda qorytyndylanyp, jeńimpazdar saltanatty túrde marapattalady.

Óńirde alǵash ret bastaý alatyn joba jyl saıyn ótkizilmek. Búgingi kúni Mańǵystaý oblysynda 46 eldi meken bar.

Kórsetkishteri joǵary úzdik aýyl ákimderi men ákimdikterge:

— 1 orynǵa — kommýnaldyq sharýashylyq tehnıkasy beriledi jáne ákimshilik ujymy (aýyl ákiminen bastap tehnıkalyq qyzmetkerlerge deıin) 6 laýazymdyq jalaqymen marapattalady, aýyl ákimine qyzmettik avtokólik beriledi;

— 2 orynǵa — ákimdik ujymy (aýyl ákiminen bastap tehnıkalyq qyzmetkerlerge deıin) 4 laýazymdyq jalaqymen marapattalady;

— 3 orynǵa — ákimdik ujymy (aýyl ákiminen bastap tehnıkalyq qyzmetkerlerge deıin) 2 laýazymdyq jalaqymen marapattalady.

 

 

Сейчас читают