Mańǵystaý oblysynda densaýlyǵy jaqsarǵan balalar úılerine qaıtarylyp jatyr
AQTAÝ. KAZINFORM - Mańǵystaý oblystyq densaýlyq saqtaý basqarmasy basshysynyń aıtýynsha, Munaıly aýdanynda mektep ashanasynda tamaqtan ýlanǵan balalardyń jaǵdaıy jaqsaryp keledi.
Jalpy ahýal turaqtaydy. Aýdandaǵy emhanalarda densaýlyǵy jaqsarǵan oqýshylar birtindep úılerine qaıtarylýda.
Al oblystyq aýrýhananyń jansaqtaý bóliminde jatqan eki balanyń beti beri qaraǵan. Jaqyn kúnderi jalpy palataǵa aýystyrylýy múmkin.
- Der kezinde bastalǵan emniń arqasynda balalardyń ómirine qaýip joq. Barlyq qajetti medıtsınalyq kómek kórsetilip jatyr. Tósek oryn men dári-dármek qory tolyqtaı jetkilikti,- dedi MO Densaýlyq saqtaý basqarmasynyń basshysy Bekbolat Іzbasarov.
Mańǵystaýda ýlanǵan oqýshylardyń sany 67-ge jetkenin jazǵan bolatynbyz.
Keıinirek tamaqtan ýlanǵan 2 oqýshynyń jansaqtaý bóliminde jatqanyn habarladyq.
