Mańǵystaý oblysynda sarbaz qaıtys boldy

AQTAÝ. KAZINFORM – 7 qazanda Mańǵystaý oblysy boıynsha Shekara qyzmeti Departamentinde jazataıym oqıǵa bolyp, merzimdi áskerı qyzmet atqaryp júrgen áskerı qyzmetshi qaza tapty. Bul týraly UQK Shekara qyzmeti habarlady.

Aldyn ala málimet boıynsha, qasirettiń sebebi – tehnıkalyq jumystar kezinde qaýipsizdik sharalaryn saqtamaý.

– Osyǵan qatysty polıtsııa qylmystyq is qozǵady, qosymsha qyzmettik tergeý júrgizilip jatyr. Qazaqstan Respýblıkasy Ulttyq qaýipsizdik komıtetiniń Shekara qyzmeti marqumnyń týystary men jaqyndaryna qaıǵyryp kóńil aıtady, - delingen habarlamada.

Buǵan deıin Almaty oblysynda shekara qyzmetiniń áskerı qyzmetshisi qaıtys bolǵanyn jazǵan edik.

Medıtsınalyq qyzmetkerlerdiń aldyn ala qorytyndysyna sáıkes, ólimniń sebebi menıngokoktsemııa ekeni aıtyldy.

Atalǵan fakti boıynsha Almaty qalasy Naýryzbaı aýdanynyń polıtsııa basqarmasynda sotqa deıingi tergeý tirkeldi. Qyzmettik tekseris bastaldy.