Mańǵystaý oblysynda alaıaqtar turǵyndardyń shotynan 48 mln teńge jymqyrǵan

ASTANA. KAZINFORM — Mańǵystaý oblysy polıtsııa departamenti kıberqylmysqa qarsy is-qımyl basqarmasynyń jedel-izdestirý sharalary nátıjesinde ınternet jelisi arqyly jasalǵan eki aýyr sanattaǵy alaıaqtyq deregi ashyldy. 

QK 190-baby 4-bóligine sáıkes tirkelgen qylmystyq ister boıynsha kelesi jaıttar anyqtaldy. 

D. esimdi azamattyń depozıttik shotynan 28 mln 430 myń teńge belgisiz tulǵalarǵa zańsyz aýdarylǵan.

Astana qalasyna qyzmettik is-sapar kezinde úsh kúdikti ustaldy: ekeýi — Aqtaý qalasynyń, bireýi — Qaraǵandy oblysynyń turǵyny.

Tergeý barysynda olardyń esep shottaryna jábirlenýshiniń aqshasy túskeni anyqtaldy.

Qylmysty uıymdastyrǵan Aqtaý qalasynyń turǵyny ustalyp, ýaqytsha ustaý ızolıatoryna qamaldy.

A. esimdi azamattyń esep shotynan 20 mln teńgeni belgisiz tulǵalar ıemdenip ketken. Jedel-izdestirý is-sharalary nátıjesinde Óskemen qalasynyń eki turǵyny kúdikti retinde ustalyp, ýaqytsha ustaý ızolıatoryna qamaldy. Qazirgi tańda atalǵan derekter boıynsha tergep-tekserý amaldary júrgizilip jatyr.

Aıta ketelik Óskemende 91 adamdy shetelge shyǵaramyn dep aldaǵan alaıaq 142 mln teńge paıda kórgen.