Mańǵystaý oblysynda 75 jetim bala turǵyn úı kezegine qoıylmaǵan

AQTAÝ. KAZINFORM – Mańǵystaý prokýrorlary 75 jetim balanyń turǵyn úı kezegine qoıylmaǵanyn anyqtap, jaýapty qyzmetkerlerdi jazaǵa tartty. Bul týraly oblystyq prokýratýra málim etti. 

— «Turǵyn úı qatynastary týraly» Zańǵa sáıkes jetim balalardyń, ata-anasynyń qamqorlyǵynsyz qalǵan balalardyń zańdy ókilderi balany turǵyn úı alý úshin jergilikti atqarýshy organda esepke qoıýǵa mindetti. Sonymen qatar, memleket tarapynan 14 jetim jasóspirimdi asyrap alǵan qamqorshylarynyń birjolǵy tegin aqshalaı tólem alý quqyqtarynyń negizsiz shektelgeni jáne 24 qamqorshyǵa tıisti áleýmettik tólemderdiń belgilengen mólsherden kem tólengeni anyqtaldy, — delingen habarlamada. 

Prokýrorlyq qadaǵalaý aktisimen barlyq jetim balalar turǵyn úı kezegine qoıylyp, tólemder sáıkestendirildi.

Jaýapty qyzmetkerler tártiptik jaýaptylyqqa tartyldy.

Buǵan deıin habarlanǵandaı, Alataý qalasynda 89 jetim bala úı kezeginde tur.