Mańǵystaý oblysynda 70 shaqyrym jolǵa ortasha jóndeý júrgizilip jatyr
ASTANA. KAZINFORM – Mańǵystaý oblysynda respýblıkalyq mańyzy bar «Fort-Shevchenko – Taýshyq – Shetpe» avtomobıl jolynyń 91-161 shaqyrym aralyǵyndaǵy ýchaskesinde ortasha jóndeý jumystary jalǵasyp jatyr, dep habarlaıdy «QazAvtoJol» UK» AQ.
Jóndeý jumystaryna 22 birlik jol-qurylys tehnıkasy men 38 maman jumyldyrylǵan.
Búgingi tańda joldyń 62 shaqyrymynda joný jumystary júrgizildi. Sondaı-aq jol tósemindegi aqaýlardy joıý boıynsha 875 tekshe metr kóleminde jumys atqarylǵan.
– Joba aıasynda 61 shaqyrymǵa iri túıirshikti asfaltbetonnan tómengi qabat tóseldi. Sonymen qatar 10 shaqyrymǵa maıda túıirshikti asfaltbetonnan joǵarǵy qabat salyndy, – delingen kompanııa habarlamasynda.
Jóndeý jumystary respýblıkalyq mańyzy bar avtojoldyń jalpy uzyndyǵy 70 shaqyrym bolatyn bóligin qamtıdy.
Joba tolyq aıaqtalǵannan keıin joldyń kólik-paıdalaný kórsetkishteri jaqsaryp, óńir turǵyndary men tranzıttik kólik júrgizýshileri úshin qaýipsiz ári qolaıly qozǵalys qamtamasyz etiledi.
Aıta keteıik, Túrkistan oblysynda jóndelgen jol eki aıǵa jetpeı oıyla bastady.
