Mańǵystaý oblysynda 37 mln teńge alıment óndirilip, 25 boryshker jaýapqa tartyldy
ASTANA. KAZINFORM- Mańǵystaý oblysy Munaıly aýdanynyń prokýratýrasy qabyldaǵan sharalar nátıjesinde alıment tóleýden jaltarǵan 22 boryshker ákimshilik, 3 boryshker qylmystyq jaýaptylyqqa tartyldy. Sonymen qatar balalardyń paıdasyna jalpy somasy 37 mln teńge alıment bereshegi óndirildi.
Mańǵystaý oblysy prokýratýrasynyń habarlaýynsha, kámeletke tolmaǵandardyń quqyqtary men zańdy múddelerin qorǵaý – prokýratýra organdary qyzmetiniń basym baǵyttarynyń biri.
Munaıly aýdanynyń prokýratýrasy alıment óndirý týraly sot aktileriniń oryndalýyn qamtamasyz etý baǵytynda tıisti prokýrorlyq sharalar qabyldady.
-Prokýratýra alıment boıynsha bereshekti óndirip alý jáne kámeletke tolmaǵandardyń quqyqtaryn qorǵaý baǵytyndaǵy jumystardy jalǵastyrady,-delingen habarlamada.
Osyǵan deıin ShQO-da alıment boıynsha 15,6 mln teńge bereshek óndirilgeni týraly jazdyq.
