Mańǵystaý oblysyna Jylyoı aýdanynan 9 myńǵa jýyq adam evakýatsııalandy

AQTAÝ. KAZINFORM — Mańǵystaý oblysy TJD búgingi jaǵdaı boıynsha Atyraý oblysy Jylyoı aýdanynyń Qulsary qalasy men eldi mekenderinen Mańǵystaý oblysyna 8738 adam evakýatsııalanǵanyn málimdedi.

Tótenshe jaǵdaıda kóshirilgen turǵyndar 18 ýaqytsha ornalastyrý pýnktinde (1160 adam, onyń ishinde 501 bala) jáne týystary men tanystarynyń arasynda (7538 adam) jeke úıler boıynsha qonystanǵan.

Óńirlik qoǵamdyq kommýnıkatsııa ortalyǵynyń málimetinshe, oblys boıynsha barlyǵy 201 ýaqytsha ornalastyrý pýnkti evakýatsııalanǵan halyqty qabyldaýǵa daıyn tur. Atalǵan pýnktter 83042 adamdy qabyldaýǵa qaýqarly.

Osy oraıda Mańǵystaýda sý tasqynynan zardap shekken Atyraý oblysynyń turǵyndaryn qabyldaý jalǵasyp jatyr.

Buǵan deıin aqparattyq qoldaý kórsetý jáne táýlik boıy kómek kórsetý úshin «Jedel jeli» telefondary jumys isteıtini habarlanǵan bolatyn:

701-707 jáne 701-708.

Beıneý aýdany boıynsha:

8(72932) 2-20-41
8(72932) 2-54-23.