Mańǵystaý oblysy turǵyndary qan tapsyryp, muqtaj jandarǵa kómektese alady
AQTAÝ. KAZINFORM — Mańǵystaý oblystyq qan ortalyǵy turǵyndarǵa ótinish jasady.
Muqtaj jandarǵa kómekteskisi kelgen turǵyndar búgin qan ortalyǵyna barýyna bolady.
- Óńirimizdiń barlyq janashyr turǵyndaryn qazir qan ortalyǵyna kelip, qan tapsyrýlaryn suraımyz! Denińiz saý bolsa, búgin maıly tamaq jemegen bolsańyz jáne eń bastysy muqtaj jandarǵa kómekteskińiz kelse, biz sizdi búgin 25 jeltoqsan saǵat 16:00-ge deıin kútemiz! – dedi Mańǵystaý oblystyq qan ortalyǵynan.
Eske sala ketsek, Baký- Groznyı J2-8243 nómirli reısin oryndaǵan Embraer 190 ushaǵy Aqtaý qalasynan 3 shaqyrym jerde apatty jaǵdaıda qondy.
Oqıǵa ornyna QR Tótenshe jaǵdaılar mınıstrligi jeke quramynyń 52 adamy men 11 birlik tehnıkasy bardy.
Apatqa ushyraǵan ushaq bortynda Qazaqstannyń 6 azamaty boldy.
QR Kólik mınıstrligi málim etkendeı, Ázerbaıjan tarapynyń aldyn ala aqparaty boıynsha, bortta 62 jolaýshy men 5 ekıpaj múshesi bolǵan.
QR Prezıdentiniń tapsyrmasymen Memlekettik komıssııa quryldy.