Almatynyń tórt aýdanynda sýyq sý óshiriledi

ALMATY. KAZINFORM – Almatyda sýmen jabdyqtaý jelilerinde josparly jumystar júrgiziledi. Osyǵan baılanysty tórt aýdanynda sý ýaqytsha óshiriledi.

Jańa jelilerdiń qosylýyna baılanysty 16 mamyr kúni saǵat 8:00-den 20:00-ge deıin Áýezov aýdanyndaǵy Saın kóshesi – Raıymbek dańǵyly – Ótegen batyr – Tóle bı kóshelerinde sý berý ýaqytsha toqtatylady.

16 mamyrda saǵat 8:00-den 18:00-ge deıin Túrksib aýdanynda Maılın – Mırnaıa – Buqtyrma – Aqkerbez kósheleri boıynda ornalasqan úıler men ǵımarattarǵa sýyq sý berý shekteledi.

17 mamyr saǵat 8:00-den 20:00-ge deıin Bostandyq aýdanynda Jarokov kóshesi – Abaı dańǵyly – Úlken Almaty – Sátbaev kóshesiniń boıy, sondaı-aq sol ýaqytta Almaly aýdanyndaǵy Gagarın – Abaı dańǵyly – Qabanbaı batyr – Qulymbetov – Brýsılovskıı kóshelerinde sýyq sý berý toqtatylady.

Atalǵan kóshelerde ornalasqan mektepter men balabaqshalarǵa sý avtotsısternalarmen jetkiziledi.

«Jóndeý jumystaryn ýaqtyly oryndaý atalǵan ýchaskelerdiń tutynýshylaryn sapaly jáne turaqty sýmen qamtamasyz etýge múmkindik beredi»,- dep habarlady «Almaty sý» mekemesinen.