Mańǵystaý oblysy aýmaǵyn qansha aqqý mekendeıdi

ASTANA. KAZINFORM – Mańǵystaý oblysynyń aýmaǵyn maýsym kezinde 50 myńǵa jýyq aqqý qusy mekendeıdi. Bul týraly oblystyq orman sharýashylyǵy jáne janýarlar dúnıesi aýmaqtyq ınspektsııasy habarlady. 

«Oblys aýmaǵynda aqqýdyń úsh túri kezdesedi, kishi aqqý, suńqyldaq aqqý jáne sybyrlaq aqqý. Kishi jáne suńqyldaq aqqý túri elimizdiń «Qyzyl kitabyna» engizilgen. Sybyrlaq aqqýlardyń eń kóp taralǵan túri - 92%, suńqyldaq aqqý 7-8%, al kishi aqqý oblys aýmaǵynda sırek kezdesedi. Aqqýlar Mańǵystaý oblysy aýmaǵyn turaqty mekendemeıdi, soltústik óńirlerde kún sýyǵanda bizdiń aımaqqa kelip qystaıdy», - dep jaýap berdi Mańǵystaý oblystyq orman sharýashylyǵy jáne janýarlar dúnıesi aýmaqtyq ınspektsııasy Kazinform agenttiginiń arnaıy saýalyna.

Aqparatta aıtylǵandaı, aqqýlar Kaspıı teńizi jaǵalaýy men araldar jáne Qarakól kólin mekendeıdi. 

«Oblys aýmaǵyna maýsym kezinde shamamen 50 myńǵa jýyq aqqý ushyp keledi», - deıdi vedomstvodan.

Buǵan deıin Qarakólde qyrylyp qalǵan 1 myńnan astam aqqýdyń óleksesi joıylǵany týraly habarlaǵan edik. 

Aıta ketsek, aqqýlardyń jappaı qyrylýyna qaldyq sýdyń tógilýi sebep bolýy múmkin degen boljam jasaldy. Osy oraıda sala mamany ári táýelsiz sarapshynyń pikirin bilip kórdik.