Qytaıda 25-shi qabattan qulaǵan qyz aman qaldy
ASTANA. KAZINFORM – Qytaıdyń soltústiginde toǵyz jasar qyz 25-shi qabattan qulap, aman qaldy. Oǵan súıekteri synǵan degen dıagnoz qoıyldy, dep habarlaıdy South China Morning Post.
Oqıǵa 27 naýryzda Hebeı provıntsııasynyń Tanshan qalasynda qyz óz bólmesinde jalǵyz qalǵan kezde bolǵan, dep habarlaıdy Beijing News.
Anasynyń aıtýynsha, qyz terezeni ashpaq bolǵan. Alaıda qurylym berik emes bolyp shyǵyp, saldarynan ol 18 qabat tómen ornalasqan alańǵa qulap ketti.
Ákesi qyzyn keshki asqa shaqyrýǵa barǵanda ony tappaı, terezeden qaraǵanda eshkimdi kórmegen.
Otbasy qyzdyń qaıda ekenin turǵyn úı kesheniniń basqarýshysynan bilgen: ol balanyń jetinshi qabatta jatqanyn habarlady.
Qulaǵan soń qyz birneshe qadam basyp júrdi – ákesiniń ony joǵarydan baıqamaýyna osy sebep boldy.
Tanshandaǵy barlyq aýrýhanalar ony qabyldaýdan bas tartqandyqtan, ata-anasy qyzdy shuǵyl túrde 200 shaqyrym jerdegi Beıjińge alyp ketti.
Oǵan qolynyń, qasúısti doǵasy jáne keýde omyrtqasynyń synýy dıagnozy qoıyldy. Mıy jaraqattanǵan joq.
Qyz balaǵa birneshe ota jasalyp, 10 kúnnen keıin aýrýhanadan shyǵaryldy.
Buǵan deıin Qyzylorda oblysynda kóktem bastalǵaly 3 bala terezeden qulap ketkenin jazǵan bolatynbyz.
