Mańǵystaý ákiminiń orynbasary qyzmetine Ǵalymjan Nııazov taǵaıyndaldy
ASTANA. KAZINFORM — QR Prezıdenti Ákimshiliginiń kelisimi boıynsha, oblys ákiminiń ókimimen Ǵalymjan Nııazov Mańǵystaý oblysy ákiminiń orynbasary qyzmetine taǵaıyndaldy. Bul týraly Mańǵystaý oblysy ákimdiginiń baspasóz qyzmeti málim etti.
Ǵalymjan Nııazov 2000 jyly Q.Sátbaev atyndaǵy Qazaq ulttyq tehnıkalyq ýnıversıtetin «Polıgrafııalyq mashınalar men avtomattandyrylǵan keshender» mamandyǵy boıynsha, 2008 jyly Sh.Esenov atyndaǵy Aqtaý memlekettik ýnıversıtetin «Ónerkásiptik azamattyq qurylys jáne qala sharýashylyǵy» mamandyǵy boıynsha támamdaǵan.
Eńbek jolyn 1990 jyly bastap, 2006 jylǵa deıin túrli salalarda eńbek etti. Atap aıtqanda, «TuranMunaıGaz» JShS dırektorynyń orynbasary, «Ońdy» JShS dırektory, «Sheber» JShS dırektorynyń orynbasary, «Grand» JShS atqarýshy dırektory qyzmetterin atqardy.
- 2006-2008 jyldary Aqtaý qalasynda Mańǵystaý oblystyq memlekettik sáýlet-qurylys baqylaý basqarmasynda is júrgizýshi-muraǵatshy, bas maman qyzmetterin atqardy.
- 2008-2010 jyldary Mańǵystaý oblysynyń qurylys basqarmasynda bas maman, basqarma basshysynyń orynbasary boldy.
- 2013-2014 jyldary Qyzylorda oblysynyń qurylys basqarmasynda bólim basshysy jáne basqarma basshysynyń orynbasary qyzmetterin atqardy.
- 2014 jyly Qyzylorda oblysynyń memlekettik satyp alý basqarmasynyń basshysy qyzmetine taǵaıyndaldy.
- 2016 jyldyń aqpan aıynan bastap «SK-Farmatsııa» JShS-de bólim bastyǵy, dırektory qyzmetterin atqardy.
- 2017 jyly Mańǵystaý oblysy ákiminiń keńesshisi boldy.
- 2017 jylǵy 23 qarashadan bastap Aqtaý qalasynyń ákimi qyzmetin atqardy.
- 2020 jyldyń maýsym aıynan bastap Mańǵystaý oblysy ákiminiń orynbasary qyzmetin atqardy.
- 2022 jylǵy 16 qyrkúıekten bastap osy ýaqytqa deıin Mańǵystaý aýdanynyń ákimi qyzmetin atqardy.
Buǵan deıin Aqtóbe oblystyq balalardyń quqyqtaryn qorǵaý basqarmasyna jańa basshy taǵaıyndalǵanyn jazdyq.
