Mańǵystaý oblysy ákiminiń birinshi orynbasary taǵaıyndaldy

AQTAÝ. KAZINFORM - Búgin, 3 maýsym kúni óńir basshysy Nurdáýlet Qılybaı oblys aktıvine kandıdatýrasy QR Prezıdenti Ákimshiligimen kelisilgen birinshi orynbasaryn tanystyrdy, dep habarlaıdy oblys ákiminiń baspasóz qyzmeti.

Mańǵystaý oblysy ákiminiń birinshi orynbasary qyzmetine Erbol Іzbergenov taǵaıyndaldy.

Erbol Kúrentaıuly Іzbergenov 1973 jyly týǵan, bilimi joǵary, mamandyǵy ınjener-qurylysshy. «Іskerlik basqarý» magıstri.

Eńbek jolyn 1991 jyly «Mańǵystaýmunaıgazbarlaý» keshendi ekspedıtsııasy qurylys-jınaqtaý ýchaskesiniń tas qalaýshysy qyzmetinen bastaǵan.

Ár jyldary óńirlik deńgeıdegi qurylys mekemelerinde, Aqtaý qalasy ákimdiginde eńbek etip, Munaıly aýdany ákiminiń orynbasary, oblystyq qurylys basqarmasynyń basshysy qyzmetterin atqardy.

Sondaı-aq, QR Indýstrııa jáne jańa tehnologııalar mınıstrliginde jáne QR Densaýlyq saqtaý mınıstrliginde basqarma basshysy bolyp eńbek etken.

2019-2020 jyldary «Aqtaý teńiz porty» Arnaıy ekonomıkalyq aımaq» AQ basqarma tóraǵasynyń orynbasary, keıin «Atameken» respýblıkalyq kásipkerlik palatasynyń dırektory boldy.

2020-2023 jyldary aralyǵynda Aqtaý qalasy ákiminiń orynbasary jáne Aqtaý qalasy ákiminiń laýazymdaryn atqardy.