Mańǵystaý oblysy Ádilet departamentiniń jańa basshysy taǵaıyndaldy
ASTANA. KAZINFORM — 20 qazan kúni Aqtaý qalasynda Mańǵystaý oblysynyń Ádilet departamentinde jańa basshyny tanystyrý rásimi ótti, dep habarlaıdy departamenttiń baspasóz qyzmeti.
Іs-sharaǵa Mańǵystaý oblysy ákiminiń orynbasary T. J. Koshmaganbetov jáne vedomstvolyq baǵynysty uıymdar qatysty. QR Ádilet mınıstrliginiń apparat basshysy Sandýǵash Erseıtova jańa basshy — Asulan Nurlanuly Kárimovti ujymǵa tanystyrdy.
Erseıtova óz sózinde Asulan Nurlanulynyń kásibı tájirıbesin joǵary baǵalap, jańa qyzmetinde tabys tiledi.
Sondaı-aq, ol Ádilet mınıstrliginiń óńirlik organdarynyń tıimdi jumysyn qamtamasyz etýdiń mańyzdylyǵyn atap ótti.
Oblys ákiminiń orynbasary óz kezeginde jańa basshynyń basqarý tájirıbesi men kásibıligi óńirdegi ádilet organdarynyń jumys sapasyn arttyrýǵa úles qosatynyna senim bildirdi.
Asulan Nurlanuly 1981 jyly Atyraý oblysy, Qurmanǵazy aýdany, Eńbekshi aýylynda týǵan.
H.Dosmuhamedov atyndaǵy Atyraý memlekettik ýnıversıtetiniń ekonomıka jáne quqyq mamandyqtary boıynsha eki joǵary bilimi bar.
2004-2007 jj. — Atyraý oblysy boıynsha Salyq komıtetiniń Salyqty ákimshilendirý basqarmasynda jetekshi maman, keıin bas maman qyzmetin atqardy. Bul kezeńde salyqtyq ákimshilendirý jáne tirkelmegen salyq tóleýshilermen jumys baǵytynda tájirıbe jınaqtady.
2007-2009 jj. — Atyraý qalasynyń Halyqqa qyzmet kórsetý ortalyǵynda ınspektor, keńesshi jáne dırektordyń orynbasary boldy. Azamattarǵa qyzmet kórsetýdiń sapasyn arttyrý jáne memlekettik qyzmetterdi qoljetimdi etý baǵytynda jumys atqardy.
2009-2011 jj. — Qulsary qalasy ákiminiń orynbasary (Jylyoı aýdany) boldy. Qalalyq ınfraqurylym, áleýmettik jáne ekonomıkalyq damý máselelerin úılestirdi.
2011 jyly — Atyraý oblysy boıynsha Jyljymaıtyn múlik ortalyǵy dırektorynyń orynbasary qyzmetin atqardy.
2011–2012 jj. — Atyraý oblysynyń Tekserý komıssııasynyń múshesi boldy. Memlekettik aktıvter men bıýdjet qarajatynyń tıimdi jumsalýyn baqylaý baǵytynda jumys istedi.
Ádilet organdarynda 10 jyldan astam eńbek ótili bar.
2019-2025 jj. — Atyraý oblysy Ádilet departamentiniń basshysy bolǵan.
QR Prezıdenti Ákimshiliginiń 2025 jylǵy 22 qyrkúıektegi № 25-42-33.514 kelisimi boıynsha 20 qazannan bastap QR Ádilet mınıstrliginiń apparat basshysynyń buıryǵymen Mańǵystaý oblysy Ádilet departamentiniń basshysy bolyp taǵaıyndaldy.
Osyǵan deıin Maǵjan Іlııasovtiń jańa qyzmetke aýysqanyn jazǵan edik.