Mańǵystaý ekonomıkasynyń ósýiniń negizgi draıveri retinde ınvestıtsııanyń mańyzy zor
Sońǵy bes jylda Mańǵystaý oblysyna 3 trln teńgeden astam ınvestıtsııa tartylyp, óńir ekonomıkasynyń serpindi damýyna septesti. Bıyl 10 aıdyń qorytyndysy boıynsha negizgi kapıtalǵa shamamen 840 mlrd teńge tartyldy, bul byltyrǵy sáıkes kezeńmen salystyrǵanda 45% - ǵa artyq, dep habarlaıdy Kazinform.
Bıyl jyl basynan beri 12 ınvestıtsııalyq joba iske qosyldy. Olar quıylǵan jalpy ınvestıtsııa kólemi 11 mlrd teńgeden asady. Onyń ishinde et kombınaty, metall prokat, arnaıy jabdyqtar men tehnıka, sondaı-aq temirbeton men antıfrız óndirisi bar. Bul týraly Ortalyq kommýnıkatsııalar qyzmetiniń alańynda ótken baspasóz máslıhatynda Nurlan Noǵaev habarlady.
Jyl sońyna deıin jalpy quny 9 mlrd teńge bolatyn taǵy úsh jobany iske qosý josparlanýda, bul 90-ǵa jýyq jańa jumys ornyn qurýǵa múmkindik beredi.
Sonymen qatar aldaǵy úsh jylda taǵy 54 ınvestıtsııalyq jobany iske asyrý josparlanǵan. Bul jobalar óńir ekonomıkasyna 1,4 trln teńge kóleminde qarjy tartýǵa jáne 6 myńnan astam jańa jumys oryndaryn qurý maqsatynda josparlandy.
«Negizgi jobalardyń biri – Svevind nemis-shved kompanııalar toby josparlaǵan jasyl sýtegi zaýytynyń qurylysy. Bul joba tuşylandyrý zaýytynyń qurylysyn, jańartylatyn energııa kózderi stantsııasyn, sondaı-aq 2 mln tonna «jasyl» sýtegi óndiretin zaýytty paıdalanýdy qamtıdy. Sondaı-aq reseılik «Lýkoıl» munaı kompanııasynyń qatysýymen «Qalamqas, Hazar jáne Áýezov» ken oryndaryn ıgerý jobasy erekshelenedi. 2024 jyly aldyn ala jobalaýdy (FEED) iske asyrý kezeńin bastaý josparlanyp otyr. Jobany uıymdastyrýdyń bastapqy kezeńinde 2 myń jumys qurylady. Óndiris 2028 jyly bastalyp, jylyna 4 mln tonna munaı óndiriledi dep josparlandy», - dedi Mańǵystaý oblysynyń ákimi.
Sonymen qatar «Kazpetrodrilling»qazaqstandyq kompanııasymen strategııalyq yntymaqtastyq sheńberinde Mańǵystaý aýmaǵynda qubyr ónimderi men sorǵy-kompressorlyq qubyrlar óndiretin zaýyttar salýdy kózdeıtin yntymaqtastyq týraly memorandýmdarǵa qol qoıyldy.
Budan basqa, óńirde azyq - túlik qaýipsizdigin, ónerkásiptik jáne eksporttyq áleýetti nyǵaıtý sheńberinde «KazAzot Prime» JShS ammıak-karbamıd keshenin salý josparlanýda, sondaı-aq oblystyń kólik-logıstıkalyq áleýetin arttyrý maqsatynda búgingi tańda YDA Group túrik kompanııasy Kaspıı teńiziniń akvatorııasynda keme jasaý verfin salý jónindegi jobany iske asyrýǵa múddeli.
«Transulttyq kompanııalardy tartý sheńberinde kanadalyq Condor kompanııasynyń (Qazaqstandyq «Qazaq LNG» JShS kompanııasy atynan) suıytylǵan tabıǵı gaz óndirý jobasyn iske asyrý josparlanǵan. Bul jobalar óndiristik qýattylyqty arttyrýǵa, ekonomıkanyń ilespe salalaryn damytýǵa yqpal etedi. Bul jalpy oblystyń áleýmettik-ekonomıkalyq damýyna mýltıplıkatıvtik áser etedi», - dedi Nurlan Noǵaev.
