Mańǵystaý dalasynda TJM qutqarýshylary Ulybrıtanııadan kelgen týrısterge kómek kórsetti
ASTANA. KAZINFORM - 112 pýltine Mańǵystaý aýdanynyń Tuzbaıyr shatqaly aýdanynda sheteldik týrıster mingen avtokóliktiń sorǵa batyp qalyp, ári qaraı qozǵala almaı turǵany týraly habarlama kelip tústi, dep habarlaıdy QR Tótenshe jaǵdaılar mınıstrliginiń baspasóz qyzmeti.
Oqıǵa ornyna jedel túrde qutqarýshylar jiberildi. Kólikte Ulybrıtanııa azamattary - eki eresek adam men 12 jastaǵy bala bolǵan. Jer bederiniń kúrdeliligi men topyraqtyń batpaqty bolýyna baılanysty kólikti shyǵarý jumystary bir táýlikten astam ýaqytqa sozyldy.
Júrgizilgen operatsııa nátıjesinde qutqarýshylar arnaıy tehnıkanyń kómegimen avtokólikti shyǵaryp, ony baǵyttyń qaýipsiz ýchaskesine jetkizdi. Zardap shekkender joq. Týrısterge medıtsınalyq kómek qajet bolǵan joq.
Osyǵan deıin qutqarýshylardyń Fýrmanov shyńynan aıaǵyn jaraqattap alǵan týrısti evakýatsııalaǵany týraly jazdyq.
