Mańǵystaý dalasynda sırek kezdesetin coǵdy qyzǵaldaǵy gúldedi
AQTAÝ. KAZINFORM — Bloger Abaı Janysbaev Instagram paraqshasynda Mańǵystaý dalasynyń gúldengen sátin túsirgen vıdeosyn jarııalady.
Jarqyraǵan kóktemgi túster men kórkem peızajdar qoldanýshylardyń nazaryn aýdaryp, óńir tabıǵatynyń sulýlyǵyna tánti etti.
Vıdeoda Kókala qoryq-jaıylymynyń kórkem kórinisteri beınelengen. Kadrlardan dalanyń kógerip, peızajǵa ashyq kóktemgi reńk bergeni baıqalady.
Soǵdy qyzǵaldaǵy (Tulipa sogdiana) – sırek kezdesetin erekshe ósimdikterdiń biri. Bıiktigi 10-25 sm-ge jetetin kópjyldyq gúl naýryz-sáýir aılarynda gúldeıdi. Qyzylqum, Qaraqum, Mańǵystaý óńirleriniń qumdy, keıde sazdy nemese tasty shólderinde ósedi. Bul sırek kezdesetin ári joıylyp ketý qaýpi bar ósimdikterdiń qataryna jatady jáne Qyzyl kitapqa engizilgen.
Soǵdy qyzǵaldaǵy Qazaqstannyń qyzyl kitabyna engen qyzǵaldaqtyń biri. Qumdy, sazdy shólde ósedi.
Aıtqandaı, bul qyzǵaldaqtardy julýǵa bolmaıdy!
Eske sala keteıik, buǵan deıin Almatyda báısheshek gúldegenin jazǵan bolatynbyz.