Mańǵystaý atom energetıka kombınatyna jańa basshy taǵaıyndaldy
AQTAÝ. KAZINFORM — Mańǵystaý oblysy ákiminiń orynbasary Abbat Órisbaev kásiporyn ujymyna «MAEK» JShS jańa basshysy Keńes Oraqovty tanystyrdy.
Keńes Oraqov eńbek jolyn 1989 jyly Qostanaı oblysynyń Rýdnyı qalasyndaǵy «Sokolov-Sarybaı taý-ken baıytý birlestigi» AAQ-da ekskavator mashınısiniń kómekshisi bolyp bastap, odan ári ekonomıst, josparlaý-ekonomıka bólimi bastyǵynyń orynbasary laýazymyna deıin kóterildi.
Sondaı-aq Rýdnyı, Atyraý, Qaraǵandy, Shymkent, Aqtaý qalalarynda ónerkásiptik kásiporyndardyń basshylyq laýazymdarynda boldy.
2010 jyldan bastap «QazAzot» AQ bas dırektory qyzmetin atqardy.
2019 jyly «MAEK-Qazatomónerkásip» JShS bas dırektory bolyp taǵaıyndaldy.
Oblys ákiminiń orynbasary kásiporynnyń jańa basshysynyń aldyna óńir turǵyndaryn aýyz sýmen qamtamasyz etý, aldaǵy jylý maýsymyna daıyndyq, sondaı-aq kombınatty jańǵyrtý baǵdarlamasyn jalǵastyrýǵa qatysty birqatar naqty mindetter qoıdy.
