Mańǵyshlaq-Aqtaý teńiz porty temirjoly memleket menshigine ótedi
ASTANA. KAZINFORM – Bas kólik prokýratýrasy jeke kompanııanyń Mańǵyshlaq stantsııasynan Aqtaý teńiz portyna deıingi magıstraldyq temirjol joldaryn ıelený faktisin anyqtady.

Sot «Kaskor-Transservıs» AQ-na magıstraldyq temirjol jelisin memlekettik menshikke berýdi mindettedi.
- Qoldanystaǵy zańnamaǵa sáıkes magıstraldyq temirjol joly memleket menshiginde bolýy kerek. Atalǵan obektilerdiń strategııalyq mańyzy men memleket menshigine qaıtarý qajettigin eskere otyryp, prokýratýranyń qadaǵalaý aktisi boıynsha Kólik mınıstrligi sotqa talap aryzben júgindi,- delingen habarlamada.
Aqparatta aıtylǵandaı, Mańǵystaý oblystyq mamandandyrylǵan aýdanaralyq ekonomıkalyq sotynyń 2025 jylǵy 14 naýryzdaǵy sheshimimen mınıstrlik talaby qanaǵattandyryldy.
- Sheshim Qazaqstannyń kólik ınfraqurylymynyń turaqty damýyn qamtamasyz etýdegi mańyzdy qadam jáne memlekettiń temir jol jelisiniń negizgi obektilerin baqylaýyna kepildik beredi, - deıdi vedomstvodan.
Aıta keteıik, Qazaqstan temir joly ulttyq kompanııasy temirjol ótkelinde ereje buzǵan jaıaý júrginshilerge jaýapkershilikti qatańdatpaq.
Eske sala ketsek, Mańǵystaý oblysynda temirjoldy kesip ótpek bolǵan er adamdy poıyz basyp ketken edi.