«Máńgilik elge» baılanysty astanalyqtar úı qujatyn aýystyrý úshin neshe teńge tóleıdi
ASTANA. QazAqparat - 10 qarasha kúni Astana qalasynyń máslıhaty Orynbor kóshesiniń ataýyn Máńgilik el dep aýystyrý týraly ıdeıany maquldady. Máslıhattyń sheshimine saı, Orynbor ataýy E10 kóshesine berilýi kerek eken. Máslıhat Orynbor kóshesinen basqa taǵy birneshe kósheniń atyn aýystyrýdy uıǵarypty.
Osy rette, «kóshe aty aýyssa, turǵyndar úıleriniń qujatyn, tipti, kólikteriniń tehnıkalyq pasportynda jazylǵan mekenjaıdy aýystyrýy kerek emes pe?!» degen zańdy saýal týyndaıdy. QazAqparat agenttigi tıisti memlekettik organdarǵa habarlasyp, Orynbor kóshesiniń boıyndaǵy úılerdiń turǵyndarymen áńgilemelese otyryp, osy suraqtyń jaýabyn bildi.
Jalpy, áýel basta, «elorda kósheleriniń aty ózgeredi» degende, qala ákimdigi halyqqa qyzmet kórsetý ortalyqtary zańdy jáne jeke tulǵalar úshin úı qujattaryn aýystyryp, úıdiń tehnıkalyq tólqujatyna ózgeris engizý tegin bolady dep túsindirgen edi. Alaıda, elektrondy úkimettiń konsýltanttary bizdiń qońyraýǵa jaýap bere otyryp, qujattardy aýystyrý 530 teńge turatynyn habarlady.
«Aldymen, Halyqqa qyzmet kórsetý ortalyqtarynan mekenjaı anyqtamasyn alasyz, mekenjaı anyqtamasy tegin beriledi. Sol anyqtamany alyp, úıdi satý-satyp alý týraly kelisimshartpen birge ózgeris engizý týraly ótinish beresiz. Ol úshin 0.25 aılyq eseptik kórsetkish kóleminde aqsha tóleısiz. Úıdiń tehnıkalyq pasportynda da kóshe ataýyn aýystyrý kerek. Bul jumystardy isteý úshin ózińizben birge jeke kýáligińizdi alyp kelesiz»,-dedi tutqanyń artyndaǵy keńesshi jigit (1414 telefonyna qońyraý shalyńyz - avt.).
Bul aqparattan keıin agenttik tilshileri Orynbor kóshesiniń boıyndaǵy eń birinshi turǵyn úı - «Kórkem» TK-ne bardy. 16 kireberisti záýlim úıde barlyǵy 842 páter bar eken. ıAǵnı, bir ǵana turǵyn úıdegi páter ıeleri qujattaryn aýystyrsa, qazynaǵa 446 260 teńge túser edi. Bul suraqty qala ákimdiginiń baspasóz qyzmetine qoıyp edik, elorda ákimdigi másele boıynsha jarytyp aqparat bere almady. Tek Qazaqstan Respýblıkasynyń Ádilet mınıstrligi bılik bastamashy bolǵandyqtan, turǵyndar bir tıyn da tólemeý kerek dep túsindirdi.
«Jyljymaıtyn múlikke quqyqtardy memlekettik tirkeý týraly» Zańnyń 6 baby, 2 tarmaǵynda «jyljymaıtyn múliktiń sáıkestendirý sıpattamalarynyń ózgerýi memlekettik organdardyń sheshimi boıynsha bolǵan jaǵdaıda, onyń ishinde eldi mekenderdiń ataýy, kóshelerdiń aty, sondaı-aq úıler men ózge de qurylystardyń rettik nómirleri (mekenjaıy) ózgergen kezde nemese Qazaqstan Respýblıkasynyń ákimshilik-aýmaqtyq qurylysyn reformalaýǵa baılanysty kadastrlyq nómirler ózgergen kezde mundaı ózgeristerdi tirkeý quqyq ıelenýshige júktele almaıdy jáne óteýsiz júzege asyrylady» delingen. ıAǵnı, jyljymaıtyn múliktiń mekenjaıy memlekettik organdardyń sheshimi boıynsha aýystyrylsa, bundaı ózgerister tegin júzege asýy kerek jáne jergilikti orynnyń bıligi tarapynan kóshe ataýy aýyssa, menshik ıesi bul úshin jaýapty emes. Bul zańda «aqsha tólemeıdi» dep, týra jazylmasa da, osy bapqa sáıkes, azamat úıdiń mekenjaıyndaǵy kóshe ataýyn aýystyrǵany úshin bir tıyn da tólemeýi kerek. Eger, Halyqqa qyzmet kórsetý ortalyqtary aqsha tólenbese, qujat aýystyrmaımyz dese, olardan resmı túrde bunyń jaýabyn talap etý kerek»,-dedi Ádilet mınıstrliginiń konsýltanty.
ıAkı, turǵyndar kóshe atynyń aýysýyna baılanysty, tek ýaqyttaryn joǵaltatyn bolyp shyqty.
«Shynymdy aıtsam, kóshemizdiń atyn aýystyrady degenge men qatty qýanǵan joqpyn. Sebebi, meniń kishkentaı balam bar, al qujat aýystyrý úshin bizdiń elde neshe kún júgiretinimiz belgili. «Máńgilik el» degen ataý árıne ádemi-aq, biraq, qujat aýystyrý úshin ary-beri júgiretinimdi oılasam... Onyń ústine, Orynbor ataýyn basqa kóshege bereıin dep jatyr eken, turǵyndar shatasatyn shyǵar...»,-deıdi Orynbor kóshesiniń boıynda turatyn Damıra esimdi azamatsha.
